Hann hressir, tesopinn!

Það rifjaðist upp fyrir Fingurbjörgu saga frá samstarfskonu minni einni og ágætri vinkonu (var í forsætisráðherra heimsókninni hér um daginn). Móðir hennar var á ferðalagi í Perú og fékk sér eitt sinn tesopa sem var afbrigðum góður og hressandi, svo hressandi að hún keypti sér dágóðan slatta af telaufum til að fara með heim á klakann. Síðan var hún iðin við tedrykkjuna og hresstist mjög í hvert sinn. Einhverju sinni háttaði svo til þegar þær vinkonurnar voru búnar að drekka góðan slurk að þær fóru að lesa innihaldslýsinguna. Þetta voru kókalauf!