Í fjarveru minni

Elsku pabbi minn, til hamingju með daginn á fimmtudag!

Maí er sumsé afmælismánuður hinn mesti. Á morgun er þjóðhátíðardagur Norðmanna. Þá verður mikið um dýrðir á mínum vinnustað, flaggað við hátíðlega athöfn og eitthvert ómótstæðilegt góðgæti í eldhúsinu, norskt að sjálfsögðu. Fyrir þessu stendur vinnufélagi minn og samstarfsmaður til marga ára og áratuga. Vekur alltaf jafn mikla lukku hér enda vel að þessu staðið og Norðmaðurinn húmoristi mikill.

Ég verð hins vegar fjarri góðu gamni, því miður. Missi af þjóðhátíðarfagnaðinum á morgun, afmælinu hans pabba á fimmtudag og íþróttamótinu sem verður á vinnustaðnum mínum á föstudag. Í staðinn verð ég í Póllandi og það verður nú ekkert leiðinlegt.