Hrossahnegg

Til skamms tíma hneggjaði síminn minn þegar hringt var í hann. Síðan varð ég fyrir einelti á vinnustaðnum vegna hringingarinnar (a) og ég breytti stillingunni. Þá brá svo við að samstarfsfólkið kvartaði og bað um hneggið þannig að nú hneggjar síminn minn aftur. Mikið sem það er notalegt hljóð. Verst að ekki skuli vera hægt að fá lyktina líka ...

(Ég er ein þeirra sem hef ekki almennilega áttað mig á mismuninum á borðsíma og farsíma, ég skil báða eftir á borðinu mínu í vinnunni. Þegar ég er í vinnunni. Enda er alltaf hægt að ná í mann í vinnunni, hvergi flóafriður fyrir fólki og símum. Og tölvum líka.)