Gömul og ný kynni

Eftir ríflega 20 ára samband við gömlu gleraugun mín (þ.e. styrkinn, hef skipt um umgjörð nokkrum sinnum) er ég komin í nýtt samband. Styrkurinn svona um það bil tvöfaldaðist og nú sé ég ekkert, hvorki með nýju gleraugunum né þeim gömlu, ekki heldur gleraugnalaust. Ég sé ekkert annað ráð en að þreyja þorrann og vona að allir hafi rétt fyrir sér, augun mín eigi eftir að venjast þessari breytingu og taka nýju gleraugun í sátt.